Марина Цветаевалэн (1892—1941) таиз кылбурез сярысь тодосчиос пӧлын трос эчешонъёс вылӥллям: кинлы меда кылбурчи сӥзем сое? 1980 арын солэн сузэрез — Анастасия Цветаева (ворд.: 1894—1993) — верам ни шонерзэ. Со сӥземын вылэм Анастасия Ивановналэн кыкетӥ кузпалэзлы — Маврикий Минцлы (1886—1917).
Ю. Разина. Перевод песни на удмуртский язык
Удмурт кылэ берыктӥз: Ю. Разина
Кельше мыным
яке
Нош Тӥ мынэсьтым сокем ук ӧд мӧзме?
Нош Тӥ мынэсьтым сокем ук ӧд мӧзме?
Ачим но Тӥлесьтыд мон чик ӧй мӧзмы.
Секыт Музъем но пыд улысьтымы
Уз кошкы, малпаме потэ, уз мозмы…
Сыӵе каньыл, ку малпанэз ӧвӧл –
Шузи адски-а, сереме уси-а?
Саесады ке саесы йӧтэ,
Ӵыжектонэз ӧвӧл, возьыт уг поты…
Кельше мыным – вожан кулэ ӧвӧл,
Ку кинэ ке азям ӟыгыртӥды ке,
Адысь уд сӥзе Тӥ аслым но тыл,
Ку Тӥ палтӥ мукетыныз ортчи ке.
Огпол но мусоясь ненег нимын
Юнме монэ Тӥ тодады уд вае.
Нош йыръёсмы вадьсын шыпыт черкын
Уз чирдэлэ ноку но: аллилуйя!..
Сюлмысь мон шуисько Тӥледлы: тау,
Яратэмды понна монэ, чик тодытэк но,
Ӵем Тӥледыз кулэ ӧвӧл витьын,
Ӝытлы быдэ кулэ ӧвӧл адскын но,
Кизилиос шоры ӵош кулӧвӧл учкын,
Сайкан кулэ ӧвӧл шундыен огак…
Но мынэсьтым, уга, уд мӧзме сокем,
Ачим но Тӥлесьтыд уг мӧзмы – ноку…
Юлия Разина: берыктэмын ӟуч кылысь
Марина Цветаева. Мне нравится, что Вы больны не мной…
Оригинал:
Анастасия Цветаевалэн дневникысьтыз
«Тросэз уг валало та кылбурез, мыдлань чукинтыны выро, утчало лушкем пушлыксэ. Нош нокыӵе пӧетэз отын ӧвӧл. Мыным вал кызь арес, мон люкиськи нырысетӥ картэным. Кыли ки вылам кык аресъем Андрюшаеным. Куке Маврикий Александрович нырысьсэ вамыштӥз мынам ӧс кусыпе вамен (эшезлэн куремезъя), ми вераськимы соин быдэс нунал. Со туж абдраз соку, мон «Королевские размышления» романлэн авторез ни шуыса, кыкетӥзэ но гожтӥсько ни вал. Мон капчиен вераськисько вал кӧня ке кылын, суредасько но музицировать карисько вал – ваньзэ, малы ми Маринаен дышимы анаймылэсь. Маврикий Александрович дэмлаз кышнояськыны. Мон луи солы кышно. Нош куке Маврикий Александрович тодматскиз Маринаен – со чылкак чапкиськиз! Мариналы кызь кык арес, нош со ини кык кылбуро бичетлэн авторез, солэн нод-нод кузпалэз но кык аресъем нылыз. Марина со шудо аръёсаз туж муспотон вал, тӧдьы куо, ӵыжыт ымныро, чебер бабылляськись йырсиё. Маврикий Александрович синмаськыса учке вал Марина шоры, со шӧдэ вал ук сое… — эшшо но ӵыжектэ вал. Марина шумпотэ вал: Маврикий Александрович монэн, мон огнам ӧвӧл, монэ яратэ… Тӥни ма сярысь та кылбур. Мариналы «кельше» вал, нош мукет нокыӵе йырчукин лушкем малпанъёс та чуръёс вискын ӧвӧл».
Удмурт кылэ берыктӥз Юлия Разина
© Ю. Июль. Нош Тӥ мынэсьтым сокем ук ӧд мӧзме… // УДМУРТ КЫЛЫН ӞУЧ КЫРӞАН русские песни на удм.яз.
