Нырысетӥ но тямысэтӥ куарусён толэзен ӟечкыласа, шумпоттэме потӥз школаын дышетскон сярысь ӟуч кылысь берыктэм кырӟзанэн! Та кырӟзанэз кемалась ни берыктэм вал ке но, трос соос — весь йырын возьыны шуг, нош нырысетӥ сентябрьлы одно школа тема тодэ лыктылэ, гурласа ветлон понна, лэся: школа аръёс, угось, номырин воштонтэм, ноку но вунэтонтэм вакыт, соку тодмо гуръёс асьсэс ики кыл йылын бергало!
Ю. Разина. Перевод песни на удмуртский язык
Удмурт кылэ берыктӥз Ю. Разина.
Тани та скриншотъя — ↑ — валаны луэ, со 2016 арын ини Интернет вотэсэ поттэмын шуыса.
Марлы дышето школаын?
Ӟуч кылысь берыктӥз Ю. Разина
Гожъяськын, суредаськын,
Лыдӟиськын но лыдъяськын –
Школаын дышетозы талы нырысь ик!
Ньыль вылэ ватсан кыксэ,
Тямысысь кельтын ньыльзэ –
Таизлы но дышоды пумен татын ик!
Эшъяськын ӟеч книгаен,
Вераськын арлыдоен –
Школаын дышетозы талы нырысь ик!
Вазиськын – покчиослы,
Эш луын – пӧйшуръёслы, –
Таизлы но дышоды пумен татын ик!
Лымшорзэ но уйпалзэ
Тодманы Музъем выллэсь –
Школаын дышетозы талы нырысь ик!
Медад суралэ табре
Шормуӵез но шоркарез –
Таизлы но дышоды пумен татын ик!
Мар лэсьто каронкылъёс,
Нош марлы со – кузь гожъёс?
Школаын дышетозы талы нырысь ик!
Ӝожсконлы сётӥськытэк,
Дунъяны эшъяськонэз, –
Таизлы но дышоды пумен татын ик!
© Разина Ю. Н., 2016.
Нырысетӥ куарусён — тодон-валанлы сӥзем нунал — кыдёке ик кошкыса ӧз вуы на, нош 8-тӥ куарусён толэзе быдэс дуннеысь калыкъёс пусъё ини гожтэтэз тодонлэсь калыккуспо нуналзэ. Та нуналъёс малпамын, адямиослэн тодазы уськытон понна. Малы ке шуоно, гожтэтэз тодон — гожъяськон пусъёслэсь катъёссэс гинэ валан ӧвӧл ук, со — быдэс кылбурето дуннелэн инъетэз.
Ымысь ыме, пельысь пеле верам кыл ӟеч амал ке но, адямиос ваньзы уг быгато данъяськыны туж мур визькабынызы но узыр визьшыкысэнызы. Со понна ик гожтэтэз малпан ас дыраз туж дуно кылдытон луиз калыкъёслэсь тодон-валанзэс, кылосбур дуннезэс, калыкъёслэсь огъя лулчеберетъёссэс, улон-вылонзэс но луонзэс утён амал.
Михаил Пляцковский. Марлы дышето школаын?
Оригинал текста на картинке:
