Валэкъянэз ӧвӧл, мар со сыӵе южмам лымы — шокчыны кышкыт: гушто меда, уг меда?.. Шурдыса мынӥськод лымы вылтӥ, нош со уг выйы, вольыт из сюрес вылын кадь тон, со дыре ик — уд но волегӟиськы йӧ вылын сямен! Паймымон!
Юж вылтӥ
Лирика
Бусыосын пелля лымтӧл.
Сюрес ӧвӧл на лёгемын.
Пумыз-йылыз толлэн ӧвӧл,
Шунтэ ке но…
Мон лёгиськи южмам вылэ —
Гуштын уг лу на лымые.
Берам уг кыльы пытьые,
Ох, лобӟисько!
2009.
P. S. Нош тодӥськоды-а тӥ, кӧня турлы юж луэ?
- Куке шунды нуназе лымыез шунтыны ӧдъя ини, нош уйёсы выльысь кынтэ (со луэ южтолэзе — соин ик толэзьлэн нимыз но — южтолэзь), лымы вылын чурдэктэм сӥ кылдэ. Таизлэн нимыз — кылдэмезъя — шунды юж.
- Лымы шундыя парланэ ке, юж векчи пасё пӧрме.
- Южлэн вылӥ йӧӟектэм сӥез пильылӥськыса шунды пала берыкъяське ке, чурен-чурен кылле — гырем кадь адӟиське.
- Лымы вылэ векчи зоръёс усьылыны кутскемен йырин юж вольыт луэ, йӧӟектэ.
- Шунтэм бере выльысь кынтэ ке, лымы быдэс чыры-пыры шундыя кисьтаськись марӟан весен шобыртэмын кадь луэ!
- Йӧӟектэмез но тӧлъёс пельтэмен кылдэмез юж тужгес чурыт но зӧк луэ, зӧкталаез солэн вуэ 3 сантиметрозь.
© Авторский перевод с удмуртского языка на русский по ссылке:
