Таяз кылбурам огӵош пыро кык каблэн куронъёсыз: акростихлэн но тавтограммалэн.
Юн куронъя, чурыт кабъя гожтэм кылбуръёс трос гинэ. Соос нимасько но йӧспӧртэм: сонет, рондо, триолет, акростих, телестих, месостих, тавтограмма, терцин, баллада, газель, рубаи, танка, хокку но мукет. Ма, огшоры кылбур но калыптэк уг гожтӥськы ук: ритм, размер, рифма, фонетика, суредо образъёсыд ӧвӧл ке, тонэ рифмоплёт чотэ гинэ пырто.
Но соиз ини мукет вераськон…
Тон понна
Акростих
Тулыслэн
Тусыз
Тютюпилы
Тупа…
Оскисько
Огазеяськонлы.
Няськытгес но
Небытгес
Нюркыт
Нунал…
Пучыя.
Пумен —
Пумиськомы!
Осконэ
Ошмесъёсысь
Омыръямын.
Нырулэ на
Нуналмысь
Нюлэс.
Небытгес но
Небытгес
Нунал.
Нуйске
Асьмелэн
Адӟиськонмы
Арскын.
© Ю. Разина. Тон понна. Акростих-тавтограмма ≈ 2004.
© 2015 арын та кылбурез ӟуч кылэ берыктӥз Воткинскысь ӟуч кылбурчи Сергей Вострокнутов («А весна утёнком выплывает…»)
