Елена Токарчук (1976—2007) луэ матысь ӵыжы-выжыез Зоя Алексеевна Богомоловалэн (1923—2012). Вордскем со Уральскын, нош ортчемын вакчи гинэ улонэз — Ульяновскын.
Солэн анаеныз — Любовь Константиновнаен ми тодматскимы 2003-тӥ яке 2005-тӥ арын огаз славян письменность кылдэмлы сӥзем конференциын, кудзэ арлы быдэ радъялляз соку УИПКиПРО. Куке Любовь Константиновна тодӥз милесьтым Ижкарысь луэммес, со юаз, ум тодӥське-а ми Зоя Алексеевна Богомоловаез. Ма, кин Удмуртиын уг тоды нимо-дано литературоведэз?! Уката но — азьвылгес ини — со ужам Альберт Алексеевичлэн йӧскалык кусыпъёсыз эскерись институтаз.
Интернет калык пӧлы вӧлмытозь ай кыдёке огедлэсь огед палдэм муртъёслэн яке гожтэт пыр, яке стационар телефон пыр гинэ герӟаськемзы луэ вал. Токарчукъёс, Уральскысь Ульяновске улыны выжыкузы, адрессэ но, телефон номерзэ но Зоя Алексеевналэсь ыштӥллям, Нош Зоя Алексеевна, Уральскысь кошкемзэс вӧтатэк, отчы гожъям, гожъям — нош ответ солы вуымтэ ни. Озьы ог-огзэс ӵыжы-выжыос ыштӥллям.
Нош ми тӥни озьы тодматскимы Любовь Константиновналэн кылбурась нылыныз, Елена Токарчукен, сямызъя туж ненег, лякыт, вазиськись нылашен. Укмыс аресказ со, пыдыз шӧдэмысь дугдыса, сӧсыръёслэн коляскаязы пуксёно луэм, отын ортчем кылем улонэз. Лул улонэз Еленалэн (анаезлы, ӵужаезлы, эшъёсызлы но тодмоосызлы луыса — уно книгаосыз, суредъёсыз пыр (интернетысь но библиотекаосысь сое луэ шедьтыны), со сяна — капчи, вазиськись сямыз пыр) адямиослэн сюлэмъёсазы кылиз.
© Перевод на удмуртский язык Юлии Разиной
Будӟыннал
Монэ уз уте ни табре
Жалем будос но ыжпи вир.
Монэ витё ни табере
Выль нуналъёс, музон даур, —
Отын но — выль вапумъёсын —
Эрик но эшъяськон луоз,
Вужмем виры, выльдӥськыса,
Дун шуръёслы отын пӧрмоз.
Отын ӧвӧл курбон сётон.
Тылэ но пурт улэ отын
Уз донге, ваньмы асьмеос
Агни*-тыллэн гизьыосыз.
Инмар понна мон — сьӧлыктэм.
Усьтӥськымтэ сяська выллем.
Музон ритъем** сяськаослэн
Сазё умзы пӧртэм зынъем.
Выль вӧтъёсам уг кур ни: «Вай!»
Шуо ыжпи кадь: «Басьты, ме».
Инмысь лыдӟо тылыё вай:
«Тон иньнуны, тон — иньвеме».
Выё чылкыт гуръёс пӧлы,
«Ме» шуыса сётӥськыкум.
Ог-огмылы шуд сӥзьыку,
Асьмеос ваньмы — инпыры.
…Бызь, ыжпие, отчы, кытын
Гажан уг кельшы кайгулы,
Нош мон утё шумпотэмдэ, —
Со, бурдъяса, вылэ ӝутэ.
_______________
* Агни — Веда тодосысь: Тылкузё
**Рит, Рита — отысь ик: кат, закон
© Юлия Разина: берыктэмын ӟуч кылысь
© Елена Токарчук. Стихотворение Пасха в книге…
Не помню, в какой книге стихотворение Елены Токарчук «Пасха», в связи с переездом она осталась в Ижевске, и черновики, скорее всего, не сохранились, так как книга издана уже в 2007 году.
Поиск в Интернете тоже не дал положительного результата. С Еленой Константиновной тоже утеряна связь…
Два варианта, в одной из этих двух книг должно быть стихотворение «Пасха»:
- Трава рождения (Ульяновск, 2006).
- Иероглиф жизни (Ульяновск, 2007).
