© Перевод на удмуртский язык Юлии Разиной
© Василий Муратовский. Ну, давайте, запоём…
Со сярысь кырӟан мытом…
Гражданская лирика
Удмурт кылэ берыктӥз Ю. Разина
Со сярысь кырӟан мытом,
Марлэн луоз лулэз
Улон сётӥсь зорен улӟытэмез,
Кудӥз ке, лулкужымен ӵошен,
Одӥг кылысь, кенешыса,
Вордскем дырысен уте лулдуннемес.
…
Бигылес дунне, кытын ваньмы —
Кайгырыку но, шудыку но —
Ог-огместы котьку но тодмаськом,
Кырӟась кыллы эшъёс ми — оскымон,
Соин валлин шуг-лек пыр потӥськом…
…
Чус улэммы дыръя ик, шуак одӥг пол
Ингур лыктэ но, инлулъёсын герӟа —
Кин соослэсь куараоссэс кылэ ке,
Соку ик —
Лул улонэзлэсь быронтэмзэ вала…
© Юлия Разина: берыктэмын ӟуч кылысь
Кылбурез берыктыны быръеме сярысь
Ӵем дыръя, лыдӟон ужъёс трос ке, созэ но, тазэ но вуттӥськон понна — лыдӟемын медло шуыса, лэся, — лыдӟиськод, лыдӟиськод но — маиз ке но йыре кыле, маиз ке но вунэ, нош маиз ке но одно сураське ини! Озьы луиз та кылбурен. «Кытысь ке но кырӟан сярысь кылбур шедьтӥ вал, — малпасько, — кинлэсь? кытысь?» Кытчы лачак понэмме вунэтӥ: компьютерам утьыса кельтэм удмурт кылбуръёс пӧлысь утчай, утчай — ӧй шедьты…
Тодам лыктӥз но пайми: со вал ӟуч кылбур, ӟучъёсыз пӧлысь утчано вал ук! Лыдӟеме бере «тае одно берыктоно луоз» шуыса мон лачак утялтӥ, нош йырам басьтӥськем: со сыӵе асьме калыклэн кадь ик верамезлы кельше! Озьы тӥни алмашиськиз та казах выжыысь ӟуч кылбурчилэсь — Василий Муратовскийлэсь — кылбурзэ сураменым: ӟуч яке удмурт вал со )))…
© Муратовский В. Ну давайте, запоем…
Оригиналэз Стихи точка ру вотэсбамын печатламын
