Михаил Лермонтовлэсь, Николай Заболоцкийлэсь но мукет кӧня ке ӟуч кылбурчиослэсь чуръёссэс берыктэмъёсы дуннеез адӟизы «Шундылэн кӧкыяз» нимо кылбур бичетын (УдГУ, 2007). Отын Николай Гумилевлэсь огаз берыктэмам «Кыӵе та ӝыт бурдтэм, кыӵе гызмыль!» гожтэмын вал.
Перевод на удмуртский язык Юлии Разиной
Николай Гумилев. Ӝыт
Кыӵе та тӧл бурдтэм, кыӵе гызмыль!
Удмурт кылэ берыктӥз Ю. Разина
Кыӵе та тӧл бурдтэм, кыӵе гызмыль!
Ӟардон укша пилиськем дынялы.
Сюлэм уг чида инметӥ гыж-кал
Нюжскись пилемъёслы: нюжгы мактал!
Таӵе ӝытэ, шӧдтэк но — малызэ —
Шукы луытозь кузё улля валзэ.
Уг шӧдо кужымзэс чорыгасьёс,
Урмем кадь корало пу поттасьёс
Ӝужыт лабыр-лабыр тыпыосты.
Нош кин кияз возе дуннеосты,
Кинлэн вираз улэ, йыгаськыса,
Кырӟан мылкыд, кыре куриськыса,
Потто соос бурдо кылбуръёссэс,
Умзэ сайкатыса бабись куарлэсь.
2002.
© Юлия Разина: берыктэмын ӟуч кылысь
Берлогес ни тодӥ, «Колчан» нимъем бичетын но автографаз Николай Степановичлэн нырысетӥ чураз «тӧл» гожтэмын вылэм. Кин сое берло «ӝытэн» воштэм? Кузпалэз — Анна Ахматова — озьы янгышам, лэся, шуо — но со тодмо ӧвӧл. Малпасько, зэмзэ ум но тодэ ни…
