Дунне вылын нырысетӥ берыктэмъёс лэсьтэм дырысен ортчизы ини трос дауръёс — кык сюрслэсь уно аръёс. Нырысьёсыз текстъёс — эпосъёс но Вӧсяськон текстъёс: ас дыраз — кулэ маке. Классикаез берыкъясьёс но быдэстӥзы быдӟым уж: туж узыр, синазез паськытатӥсь, ӟеч но тунсыко литература вылын будэмын ук асьмеос?
Удмурт кылэ но берыкъяны туж тунсыко вылэм!
Мукет кылъёсысь удмуртэ но удмуртысь мукет кылъёсы берыкъяло ог кык даур ӵоже гинэ ай. Нырысетӥосыз удмурт кылэ берыкъясьёс лыдъясько священникъёс Павел Тронин но Стефан Анисимов (Иоанлэсь Евангелизэ берыктӥсьёс). Но, зэмзэ вераса, соослэсь азьвыл но берыкъям текстъёс вылӥллям ини, только берыктӥсьёслэн нимзы гожтытэк кылем).
ХХ-тӥ даурын туала удмурт литератураын тодмо берыктӥсьёс: Кузебай Герд, Кедра Митрей, И. Михеев, И. Дядюков, М. Петров, В. Емельянов, А. Демьянов, О. Поскребышев, Аладар Бан, Жан-Люк Моро, Иван Хорват… Берло аръёсы но трос мукет берыктӥсьёс тыршо удмурт литератураез мукет калыкъёс доры вуттыны. Но со сярысь мур вераськон чакламын ӧвӧл мынам.
Мон ноку уг малпаськы вал, берыкъян уж сыӵе тунсыко вылэм шуыса. Шуысалзы ке мыным «берыкъясь луод», мынам йыры кур луысалыз. «Мынам аслам гожъяськеме уг луы шат?!» — вазьысал, дыр, ас дыраз.
Но кыл дунне адямилэсь мылкыдзэ басьтэ, ньылэ быдэсак, кабенак, нюмыляк! Огпол сётскыса, дугдыны уг луы ни. Улытозям мон туж трос уж ужай. Вошъяй ужме, берен берытскылӥ азьлояз, собере берен кошкылӥ. Озьы кулэ вылэм, сыӵе улон сюрес кылдӥз. Нош туннэ визьмын малпасько: школаын ик кыл дунне мальдытэ вал ук монэ, малы солэсь пегӟыны выри, малы школа бере ик кылчи луыны ӧй тыршы меда?
Гожъяськон но берыкъян удысын туала луонлыкъёс
Туала дыръёсын писательёслэн огазеяськонзылэн юрттыны луонлыкез ӧвӧл ни ке но, гожтэмдэ калык азе поттыны луонлык трос: радио, телевидение, библиотекаос но мукет пумиськонъёс сяна — вотэсбамъёс, соцсетьёс ватсаськизы на…
Бакча урон куспын, сиён пӧраку, уже вамышъянъя — весь йырез ужатоно, кылмес волятоно но узырмытоно. Кылды мынэ ке, нош выль чур малпам уг луы ке (яке уг мылкыд уг бурдъяськы кылбураны), — берыкъялэ:
- анай кылмес узырмытон понна,
- анай кылын вордскем чуръёстэс мукет калыкъёслы но возьматон понна.
Интыпусъёсын (ссылкаосын) возьматыны татын уг быгатӥськы, но берыктонлэн пайдаез сярысь трос луэ тодыны: библиотекаослэн но школаослэн сайтъёсазы сяна, «Берыктон лудын», «Дунневыл меӵкытонъёсын» но мукет сайтъёсын поттам материалъёс вань гинэ.
Интернет вотэс огазея тунсыкъяськись муртъёсыз, тани макем синмаськымон уж малпаллям «Дунневыл меӵкытонъёслэн» огинзы! Пӧртэм ёросъёсын улыса, ог дасо пала адями, Виктор Занчаровлэн кичӧлтэмезъя, интернет-клуб кылдытӥллям — соос кылбурало, кырӟало, пумиськыса но ужрадъёс ортчыто… берыктонэн но выро.
Дунневыл литература узыр, сое лыдӟыку куке-соку малпан но чилектылэ: «Э-э… таосын ӵошатскод шат?!» Но соку ик астэ тупатоно: «Асьмелэсь улонмес бускель калыкъёс лыктыса уз гожтэлэ, нош гожтӥзы ке но, асьсэ сямен гожтозы!» Аслэсьтыд асулонсюрестэ тон гинэ зэмос гожтыны быгатод. Асьмелэсь лулпуш дуннемес но дунъяно, медаз ышы юнме, медаз сылмы улон-вылонлэн тӧдьы чуръёсыз вискын. Муртлэсь гинэ учкыса, лыдӟыса улыса, со «потребление» гинэ луыса потэ, — шуо туэ.
Югдур возьма асьмелэсь выль текстъёсмес. Мылкыд карисьёс, дыртэлэ, луонлык вань дыръя!
