Инкуазь сярысь гожтон ваньмызлы уг сётскы. Яке — озьы шонер ӧвӧл ке со — кинлы ке мӧзмыт потэ Инкуазь сярысь лыдӟыны но, гожъяны но. Нош вань сыӵе авторъёс, кинлэн со туж ӟеч пӧрме: зэмос Инкуазьлэн нылпиез, дыр, сыӵе адями. Соин ик Инкуазез гинэ ӧвӧл, чылкак мурт адямилэсь мылкыдзэ но со шӧдэ палэнысен. Валантэм верай ке, берыктэме юрттоз, оло, шӧдыны, мае валэктэме потэ вал.
Перевод на удмуртский Юлии Разиной
Сергей Вострокнутов. Приходит погода в смятение…
Инкуазь востэммиз, чусмыт…
Перевод на удмуртский язык
Инкуазь востэммиз, чусмыт:
Куртке лымызэ инсьӧр.
Вордэ тулыспал вужер –
Быдэс ӝыт ветлэ мӧзмыт…
Нуэ кайгузэ кин ке
Огназ – юрттонэз тэрга.
Музъем шораз сак учке,
Лымы нош – берга, берга.
Нош пыдйылчилэн туннэ,
Шӧдске, сюлэмаз – букос
Сюлэмшугъяськон, тодаз
Озьы ик, дыр, – тӧлаське.
Потэ шуэме солы:
Вуоз на тулыс, вуоз!
Кынмем лул-сюлмыд сылмоз,
Тон дась лу – яратонлы!
2015.
© Юлия Разина: берыктэмын ӟуч кылысь
Ӟуч кылын авторлэн оригиналэз солэн кылбур бичетъёсаз но Стихи точка ру вотэсбамаз потэмын, «Приходит погода в смятение…» нимын.
