Та кылбурзэ Сергей Александрович Есенин (1895—1925) гожтэм улонэзлэн берпуметӥ араз. Гудырикошкон толэзе со бертам Константиновое, вордэм гуртаз. Отысь, Рязаньысь крезьгурч, РСФСР-ысь калык артист Евгений Григорьевич Попов (1921—1994) 1967-тӥ аре кылдытэм чебер крезьгур, Рязаньысь хор пыр вӧлмытэм Совето странаысьтымы калыкъёс пӧлы. Кырӟанэз туж удалтэм: калыкын юнме уг кырӟало пишмымтэзэ, удалтымтэзэ. Но…*
Сергей Есенин. Над окошком месяц… На картинке — авторский текст:
© Ю. Разина. Перевод песни на удмуртский язык
Вылласянь толэзь пиштэ…
Вылласянь толэзь пиштэ,
Улласянь ыртöл пельтэ,
Нош тополь дӥсьсэ кылем:
Вылтырыз – азвесьпыръем…
Кытын ке тальянка
Туж бöрдэ – каръян кай,
Кыӵе кыдёкын со,
Нош сыӵе матын кадь…
Я бöрдэ – жалян куре,
Я серем каре – горе,
Беризе, тон кытын?
Пересьмид, лэся, тон?
Мон куке ачим но
Кыскалляй тальянка,
Туганме öтё но –
Дыртомы юмшан вал…
Нош туннэ ачим шоры
Туганэ уг учкылы.
Кырӟанэ но веранэ –
Сюлмыя öвöл туннэ…
Кытын ке тальянка
Туж бöрдэ – каръян кай,
Кыӵе кыдёкын со,
Нош сыӵе матын кадь…
© Юлия Разина: берыктэмын ӟуч кылысь
*… но калыке пыӵам дано, тодмо кырӟан кема быгатымтэ вуыны кылзӥсьёс, адӟисьёс доры. Чеберлыкъя совет, культура удысысь вылӥ кивалтӥсьёс лэзиллямтэ сое соку ик сцены вылэ поттыны!
Озьы ке но, кызьы ӵем дыръя луэ таӵе югдуръёсы, история ваньзэ пуктылэ ас интыяз. Одӥг та кырӟанэн гинэ но крезьгурчилы удалтӥз — Евгений Попов дано инты басьтӥз кырӟанэз яратӥсьёслэн сюлэмъёсазы. Чеберлыко, крезьгуро дуннеын солэн крезьгурез чузъяське, ассэ калык кырӟан кожаса — крезьгурчи понна со дан но вылӥ дунъет!
