Гуртын шуо вал: «Эн шула, кынтоз». Ӵем дыръя со луэ вал, ми пала гужем лыктыку, ӵуж кӧжыпулэн сяськаяськон дырыз ортчем бере. Милемлы — пичиослы — гурыезлэсь шулан лэсьтон — валантэм шумпотон вал угось. Марлы кулэ маке со?! Крезьгур поттыны но соин уг луы ук — тар-р-р каре но тӥни, арлыдоослэсь пельзэс жӧлмытыса!
Эн шула — кынтоз…
Нылпиослы
Шырчиклэсь пизэ
Ялан курисько:
«Нош ик шулты, нош —
Мон но дышетско!»
Шуланы дыши,
Шултӥ гадь тырос!
Анае алӥз:
«Эн шула — кынтоз…»
© Юлия Разина. Нылпиослы
Гуртамы кӧжыпу будэ вал эмъяськонни вӧзын, ми дорысь кыдёкын ик ӧвӧл. Эмъяськонниез шур сьӧры поттэмзы бере со азьлолэсь золгес пуштырскиз, утялтэмысь дугдэмзы бере ассэ писпу кожаз, лэся! Мушъёсмы со вылэ ярато вал лобаны — ужакузы но, палдыкузы но.
Со ӵышконпуэз ми котьку акация шуиськомы вал, нош озьы вылымтэ со. Вотэсбамам пуктон понна (асламез ӧвӧлысь), интернетэ пыри — дасьсэ фото шедьтон понна. Отысь тодон басьтӥ: мае асьмеос акация шуиськомы, со Австралиысь вуэм кӧжыпу-куак вылэм, но нимыз солэн — «карагана древовидная». Мае шуиськомы «акация», со, пе, — мимоза. Вот тӥни сыӵе югдур!..
© Ма со гужем?: Кылбуръёс / Ю. Разина // Кизили. — 2012. № 5–6. — 8-тӥ б.
