Мускоын туэ, 2025 арын 15-тӥ гудырикошконэ, милям — Надежда Уткинаен — ӵош малпам ужмы ортчиз. Татын улӥсь удмуртъёсын пумиськонмес ми нимамы «Тон доры вуо» шуыса. Юртлэн нимыз, кытын со ортчиз, нимаське Коворкинг-центр ЮВАО — мар со асьме сямен, уг тодӥськы на. Ас валамея, со юртэз юромо ужрадмес ортчытон понна ареновать каризы, лэся(((…(!) Ваньмыз понна, Тау, мускоосы!
Мускоын пумиськон: Тон доры вуо!
Туж шуныт ортчиз пумиськон ӝыт. Али ке но мускоослэн пумитамзы — шуныт тулкым сямен — сюлэмме уг лэзьы!
Тани кызьы со вал.
Калык ӝытазе уж бере — ас дыраз ӝикытак люкаськиз; артэ дасям комнатаын чай юэм карыса, ваньзы конференцзалэ потӥзы. Интерактивной экран котыре пуксьыса возьманъязы, пальпотӥсь синъсын шорамы учкизы: котыр ваньзы ӟеч гинэ — вешаса кадь учко! Озьы ке но, малы ке сюлмы туж дыртэм кадь выриз…
Сельченкова Маргарита Родионовна, РОО «Герд»-лэн правлениезлэн тӧроез, калыкез милемын тодматӥз. Со тодаз ваиз Надежда Уткинаен азьло пумиськонъёссэс, собере мон сярысь но вераз: кин мон, кытысь вуи.
Ужрадмес ортчытон понна официально нокыӵе юрттэт, инты но микрофон сяна, ӧм курелэ асьме кужыммылы оскиськимы, лэся (только фото- но видеоматериалмы кыӵе пӧрмиз — сыӵе пӧрмиз ини…).
«Тон доры вуо» шуыса кырӟанэз тросэз кылэмын ини, малпасько. Надежда Уткина сое кырӟа ини ог вить ар котыр. Та кырӟанэз асьме кылэ берыктыны со монэ куриз вал ньыль ар туэлэсь азьло. Авторез солэн Рая Орлова, кырӟан нырысь вордӥськемын мокшан кылын, ӟуч кылэ берыктэм сое Ирина Ермакова, нош со бере гинэ, тӥни, мыным вазиськемын вал ини удмуртэ но берыктыны. Табере со чур — «К тебе ведет мой путь» — крезьгуро проектлэн нимыз луиз.
Программаямы
Программаенымы быдэсак тэримы шуыны луэ. Но трос кылбур лыдӟисько ини кожаса, уретӥ асме. Шонер шӧдӥськем, шонер лэсьтӥськем, мал ке шуоно, пумаз зэмзэ но дыр ӝикытгес но ӝикытгес луыны ӧдъяз, «шагреневая кожа» сямен.
Озьыен:
- лыдӟи кӧня ке кылбурме.
- Надежда гитараеныз шудӥз быдэс программаез, кудӥз сӥземын вал ог кызь пала ӟуч авторъёслэсь удмурт кылэ берыктэм кырӟанъёссылы, кӧня ке — удмуртысь ӟуче берыктэмзэ но.
- Алла Кузнецовалэн кылызъя гожтэм Евгения Копысовалэсь кырӟанзэ кырӟаз Надежда.
- Со сяна, куинь кырӟанэз шараяз кӧня ке кылын! Огъя вераса, Надимылэн полиглот луонлыкезлы луыса, сизьым кыл чузъяськиз та ӝытэ!
Таукарон
Ужрад ортчон азьын милемлы сётӥзы быдэн Таукарон. Тани асламез:
