Габдулла Тукаез (1886—1913) «бигер Пушкин» юнме шуиллямтэ, сокем вылӥ дунъет сёто солэн гожъямъёсызлы. Лириказэ, нылпиослы сӥземъёссэ лыдӟыса, соку ик малпан кылдэ: кыӵе ӟеч кузпал но атай солэсь пӧрмысал, кемагес ке улысал!
© Габдулла Тукай. Ай һәм кояш (Солнце и луна) — удмурт кылын.
© Перевод на удмуртский язык Юлии Разиной
Шунды но толэзь
Гималайын, лымы возись гурезь вадьсын,
Шунды изе небыт зарни кӧкы пушкын.
Шыпыртӥсь тӧл уйбыт солэсь умзэ уте,
Ог вакытлы но со уз кошкы кыдёке.
Шунды сайкан азьын салкым тӧл шау! султоз.
«Инкуазь улӟиз!» — шу’са, вáньзылы ивортоз.
Тӧлэз кылэ быдэс дунне, тӥни лобӟе:
— Тырмоз, тырмоз изь’ны, нунал ортчоз!
Кӧкыысьтыз шунды ӝутэ гинэ йырзэ,
Солэн выныз, толэзь, выдэ ни валесэ.
Кизилиос но кӧкыын — зарнипыръем:
Тютюпиос выллем, умме усё пумен.
Толэзь — огпол но сайкатэк — ӝытозь изёз.
Нош ӝыт вуоз гинэ — небыт со мынектоз.
Озьы огзэс-огзы вошто агай-вынъёс:
Музъем вылын котьку пишто югыт сиос.
© Юлия Разина: перевод с татарского по русскому подстрочнику
Габдулла Тукай вылэм начар калыкез эрико улонэ выжтон понна сюлмаськись адями. Тани, кылбуръёсызлэн нимъёсыз ик верало со сярысь: «Гнёт», «Чего не хватает сельскому люду?», «Татарская молодёжь» (1912), «Надежды народа…» (1913)…
Но улэм со кызь сизьым аресозяз гинэ. Семьяен улон солы нуны дырысеныз ик кылдымтэ. Анаез-атаез быремен йырин, мурт семьяосын улыса, чурыт, пыкылон кыл кылыса будэм пияш. Но Инмар лэчыт визь сётэм солы: со трос лыдӟиськем, гожъяськыны кутскем. Тодон басьтон понна со вуэм Казане, ӟеч образование басьтэм, йӧно, бадӟым адямиосын тодматскем, визьзэ волятэм.
Улытозяз Габдулла одӥг нылмуртлы сяна синмаськыса но вуымтэ. Вить пол адӟиськыса, яратоно нылмуртэзлы вазьыны но дӥсьтылымтэ со — туала визьмын малпаса, туж валантэм кадь сыӵе яратон… «Шузимытозь яратӥсько, нош гажанэлэсь пегасько, шуралилэн адямиослэсь пегамез сямен; адӟисько гинэ — адӟымтэ улэ кариськисько…»
Сётэме потэ вал гожтэтэз вылэ поттӥсь чӧлсконпус, но вотэсбаме палэнэ нуись чӧлсконпусъёс пуктылыны уг лэзё бере, таӵе / пус интые «чалыш гож» гожтӥ — тодэмды потӥз ке, валалоды: goo.su чалыш гож FdU6BHl
© Шунды но толэзь: Габдулла Тукай бигер кылбурчилы 125 арес тырмем пумысен берыктэмын / Ю.Разина // Кизили. — 2011. — №4. — 2-тӥ б.
