Егит дыръям Юлия Друнинаез яратыса лыдӟисько вал, блокнотам гожъяса дышетыса ветлылӥ)) Сое угось трос гинэ печатлаллязы газетъёсын, журналъёсын, календарьёсын… Книгаосыз но потало вал, киям но вуылӥз огез. Таиз кылбурез гожтэмын солэн 1969 аре.
Юлия Друнина в переводе на удмуртский язык
Берло нош син азе сюрыло та кылбурчилэн чуръёсыз. Берыктытэк ӧвӧл иське…
Помоги, пожалуйста, влюбиться = Курисько тонэ…
Ӟуч кылысь берыктӥз Ю. Разина
Курисько тонэ: синмаськын юртты,
Юртты выльысь синмаськын аслыд!
Мед ворекъялоз яратон ин тыр,
Крезьгурен мед жингыртоз мылкыд!
Выльысь мед берытскысал егит дыр!
Бурдъёссэ со мед на вӧлъясал…
Мон яратӥсько тонэ, но — юртты:
Юртты синмаськын — азьло мактал.
Со, — шуо, — озьы уг лу.
Ум оске!
Мусое, солы эн оскы тон!
Оло нош, синмаськемысь дугдон — со
Улонын тужгес бадӟым ыштон…
© Юлия Разина. Перевод на удмуртский язык
Арня но ӧз ортчы на, кызьы эшеным вераськыса пукимы кылбуръёс сярысь, лирической герой сярысь, асьмелэн яратэммы сярысь…
Лирикаын, оглом творчествоын сямен ик (крезьгурын но кырӟанын, суредын но скульптураын, спектакльын но киноын…) — кылдытӥсь весь ассэ гинэ верасалыз ке, солэн кылдытъям сюжетъёсыз туж начаресь луысалзы, дыр.
Малы тае верасько, валалоды шуыса — оскисько.
Крезьчи шудэ сое, мае адӟе, киночи пуктэ сое, кинлы синмаськемын, палёмемын, абдрамын. Скульптор но озьы ик: ассэ гипс, из, корт, пу карыса уг возьматы ук — кинэ ке мукетсэ утча со понна… Нош кылбурчи яке кырӟась сярысь куд-огез кожа, со пырак ас улонзэ гинэ, ас лулпушсэ гинэ шарая шуыса. Нош мар со иське лирической герой?
Шонер, мон ачим но но куд-ог дыръя кылбуръёсам асме ачим гожтӥсько. Но со туж шер дыръя луэ озьы.
Нош таиз — егит дыръям ӟуч кылын акрочурен нырысетӥез гожтэм кылбуре (конечно, кык чурез тупатэмын ини туала арлыдыя) — пырак мон ачим: мон озьы малпасько вал, со малпан быдэс улонам валтӥз, сыӵе малпанэн туннэ ке но улӥсько:
Таӵе дыръя шуиськомы: автор и лирический герой совпадают.
